مسلم لیگ ن اور مسلم لیگ ق میں آج ملاقات ہو رہی ہے۔

ذرائع کے مطابق شہباز شریف آج چوہدری برادران کے گھر پہنچیں گے، چوہدری شجاعت حسین سے ان کی خیریت بھی دریافت کریں گے۔

مسلم لیگ ن کے صدر شہباز شریف کی چوہدری برادران سے بائیس سال کے  بعد ان کی رہائش گاہ پر ملاقات ہوگی، جس میں ملکی سیاسی صورتحال پر بھی تبادلہ خیال ہوگا۔

اس کے علاوہ شہباز شریف حکومت کے خلاف عدم اعتماد پر چوہدری برادران کا تعاون مانگیں گے۔

مسلم لیگ ن کے صدر شہبازشریف کی قیادت میں سینئر رہنما خواجہ سعد رفیق، چئیرمین پبلک اکاونٹس کمیٹی رانا تنویر ڈپٹی اور سیکرٹری ن لیگ عطاتارڑ چوہدری برادران کی رہائش گاہ جائیں گے۔

ملاقات میں ق لیگ کی جانب سے چوہدری شجاعت حسین ، پرویزالہی ، مونس الہی اور سالک حسین موجود ہوں گے۔

یہ بھی پڑھیں: خانیوال واقعہ: تمام گناہگاروں کیخلاف قانون کے مطابق کارروائی کی جائے گی