ایک طرف امریکہ اور نیٹو کی لفظی حمایت تو دوسری جانب یوکرینی عوام کی بہادری کے قصے دونوں ہی عالمی میڈیا کی خبروں کی زینت بن رہے ہیں۔

یوکرین کی سرزمین پر روسی افواج کی آمد کے بعد مختلف علاقوں میں فوج کے ساتھ ساتھ عوام بھی روسی افواج کے خلاف اُٹھ کھڑی ہوئی ہے۔

عالمی میڈیا میں بڑی طاقتوں کے دور بیٹھ کر تماشہ دیکھنے کی خبروں کے ساتھ ایک وڈیو بھی وائرل ہو رہی ہے ، جس میں ایک یوکرینی خاتون روسی فوجی کو للکار رہی ہے۔

یوکرینی خاتون نے روسی فوج کے ایک اہلکار کے پاس جا کر کہا ’تم کون ہو اور یہاں کیا کر رہے ہو‘ جس پر روسی فوجی رعونت کے ساتھ جواب دیا کہ ہماری مشقیں چل رہی ہیں آپ یہاں سے جائیں۔

https://www.thesun.co.uk/news/17764619/ukraine-russia-news-protests-war/

بین الاقوامی خبروں کے مطابق روسی افواج نے ایک ہزار سے زائد یوکرینی شہریوں کو گرفتار کر لیا ہے جو روسی افواج کی اپنے ملک میں داخل ہونے پر احتجاج کر رہے تھے۔

یوکرینی خاتون سے ایک فوجی نے کہا کہ، ’ہماری بحث سے کوئی نتیجہ نہیں نکلے گا‘

سماجی رابطے کی ویب سائٹ کے صارفین نے خاتون کی ہمت اور بہادری کو سراہا اور کہا کہ ہم آپ کے ساتھ ہیں۔