شہرہ آفاق تُرک سیریز ارطغرل غازی میں عبدالرحمٰن الپ کا کردار ادا کرنے والے تُرک اداکار جلال آل کے گھر بیٹے کی پیدائش ہوئی ہے۔

تُرک اداکار نے فوٹو اینڈ ویڈیو شیئرنگ ایپ انسٹا گرام پر اپنے بیٹے کے ہاتھ کی ایک تصویر شیئر کرتے ہوئے مداحوں کو یہ خوشخبری سنائی ہے۔

جلال آل نے اپنی اس پوسٹ کو شئیر کرتے ہوئے کیپشن میں لکھا کہ الحَمدالله، خوش آمدید بیٹا۔

اُنہوں نے لکھا کہ اللہ کا شکر ہے کہ وہ دوسری بار باپ بنے ہیں۔

عبدالرحمٰن الپ نے اپنی پوسٹ میں دعا کی کہ اللہ اُن سب کو نیک اولاد عطا فرمائے جوکہ اولاد کے خواہشمند ہیں اور ہمارے بچے تمام عالم اسلام کے لئے نیک بنیں۔

خیال رہے کہ تاریخی سیریز ’ارطغرل غازی‘کو وزیر اعظم عمران خان کی ہدایت پر اردو زبان میں ڈب کر کے پاکستان میں سرکاری ٹی وی چینل پر نشر کیا جارہا ہے۔