رینالہ خورد میں شوکت آباد موڑ پر ٹریکٹر ٹرالی کی موٹر سائیکل کو ٹکر سے موٹر سائیکل پر سوار 11 سالہ بچی جاں بحق جبکہ دوسری شدید زخمی ہوگئی ہے۔

ریسکیو ذرائع کے مطابق اطلاع ملنے پر ریسکیو 1122 کی ایمبولینس فوری جائے حادثہ پر پہنچ گئی، ریسکیو ٹیم نے ابتدائی طبی امداد فراہم کرتے ہوئے زخمی بچی کو ڈی ایچ کیو سٹی ہسپتال اوکاڑہ منتقل کر دیا۔

ریسکیو ذرائع کا کہنا ہے کہ جاں بحق ہونے والی بچی کو ریسکیو ٹیم نے ضروری کارروائی کرنے کے بعد نعش کو لواحقین کے حوالے کر دیا، جاں بحق ہونے والی بچی کی شناخت مریم نواز دختر محمد یونس (11سال تقریباً) کے نام سے ہوئی ہے جو کہ علیم ٹاؤن کی رہائشی تھی۔