راناثناءاللہ نے کہا ہے کہ حکومت نے سیاسی انتقام اورگالیاں دینے کےعلاوہ کچھ نہیں کیا۔

پاکستان مسلم لیگ ن پنجاب کے صدر راناثناءاللّٰہ نے پریس کانفرنس کرتے ہوئے کہا ہے کہ بہت سے ارکان حکومت پرعدم اعتماد کرنے کو تیار ہیں ، اپوزیشن سنجیدہ ہے، نااہل ٹولے سے جان چھڑانا چاہتے ہیں۔

انہوں نے کہا کہ پی ٹی آئی ارکان کے ساتھ رابطے میں ہیں ، پی ٹی آئی ارکان کے ساتھ عدم اعتماد پربات چل رہی ہے ، حکومت کے پاس عوام کی بہتری کا کوئی پلان نہیں۔

راناثناءاللہ نے کہا ہے کہ حکومت کے پاس صرف سیاسی انتقام کا پلان ہے ، حکومت نے سیاسی انتقام اورگالیاں دینے کےعلاوہ کچھ نہیں کیا ، عوامی دباؤ صرف ہم پرنہیں، حکومتی ارکان پربھی ہے۔

پاکستان مسلم لیگ ن پنجاب کے صدر راناثناءاللّٰہ نے کہا کہ عوام ایک ہی سوال کرتے ہیں کہ حکومت سے کب جان چھڑاؤ گے؟