حمزہ شہباز کا کہنا ہےکہ بنی گالا سےاتریں اور جواب دیں ورنہ قوم آپ کااحتساب کریگی۔

مسلم لیگ ن کے نائب صدر اور اپوزیشن لیڈر پنجاب اسمبلی حمزہ شہباز نے میڈیا سے گفتگو کرتے ہوئے کہاکہ حکومت نےغریب کوبھوکا ماردیا، مہنگائی میں 16 فیصداضافہ کیا گیا۔

انہوں نے کہاکہ عمران صاحب نے 50 لاکھ گھر،ایک کروڑ نوکریوں کاجھوٹ بولا،عمران نیازی صاحب اسکروٹنی کمیٹی کےسوالوں کا جواب دیں،عمران خان صاحب توشہ خانہ کیس کا جواب دیں۔

حمزہ شہباز نے کہاکہ ساڑھے تین سال میں ملک کاکرپشن انڈیکس16 پوائنٹس گرا۔

یہ بھی پڑھیں: ‘قوم کل بھی وزیراعظم کے سا تھ تھی، آج بھی ہے اور کل بھی رہے گی’

لیگی رہنما نے کہاکہ 22 ماہ اکاؤنٹس منجمدرکھنےکےبعد برطانیہ نےشہبازشریف کوکلین چٹ دی، کل پی ٹی آئی کا فیصل واوڈا کی صورت میں ایک اور جھوٹ بےنقاب ہوا، شہزاد اکبر جو گلاپھاڑ پھاڑ کر بولتے ہیں۔

ان کا کہنا تھا کہ میڈیا کاشکرگزار ہوں ،مرکزی کردار کے خلاف تحقیقات کیں،کل لوگوں نے نئے پاکستان کی جھوٹی تصویر دیکھی، پچھلے 4 سالوں سےعوام سے مسلسل جھوٹ بولتے رہے۔

حمزہ شہباز نے مزید کہا کہ عمران نیازی کو لوگ پرچی لکھ کردیتے ہیں اور وہ بول دیتے ہیں۔