امریکی وزیر خارجہ انتھونی بلنکن کا کہنا ہے کہ انہیں یقین ہے کہ روسی صدر ولادیمیر پیوٹن یوکرین کی حکومت کا تختہ الٹنے کی کوشش کریں گے۔

امریکی نشریاتی ادارے کو انٹرویو دیتے ہوئے امریکی وزیر خارجہ اتھونی بلنکن نے کہا کہ  یوکرین کے دارالحکومت کیف اور دوسرے بڑے شہروں پر حملہ کرنے کے ساتھ ساتھ شمال، مشرق اور جنوب سے ملک پر کثیر الجہتی حملے روسی منصوبے کا حصہ ہے۔

انتھونی بلنکن نے کہا کہ اپنے نیٹو اتحادیوں کے دفاع کے لیے امریکا کے عزم کا اعادہ کرتے ہوئے خبردار کیا ہے کہ نیٹو کے ایک رکن پر حملہ نیٹو کے تمام اراکین پر حملہ ہے۔

یہ خبر بھی پڑھیں:

دوسری جانب روس کی طرف سے یوکرین پر حملوں کا سلسلہ دوسرے روز بھی جاری ہے۔ حملوں میں اب تک 137 ہلاکتوں کی تصدیق ہوچکی ہے۔

غیر ملکی خبر رساں ادارے کے مطابق روس کی طرف سے یوکرین کےدارالحکومت کیف میں 2 دھماکے سنے گئے ہیں۔

رپورٹ کے مطابق کیئو کے وسطی علاقے میں دو بڑے دھماکوں کی آواز سنائی دی گئی ہے جبکہ جمعے کی صبح ہی ایک تیسرے بڑے دھماکے کی اطلاعات بھی سامنے آئی ہیں۔

یوکرینی خبر رساں ایجنسی یونیان کے مطابق سابق ڈپٹی وزیرِ داخلہ اینٹون ہیراشینکو کا کہنا ہے کہ انہوں نے دو دھماکوں کی آواز سنی ہے۔

مذید پڑھیں