اے ایس ایف نے فیصل آباد ایئرپورٹ سے بیرون ملک اسمگلنگ کی ایک اور کوشش ناکام بنادی۔

ترجمان اے ایس ایف کا کہنا ہے کہ ایئر پورٹس سیکیورٹی فورس (اے ایس ایف) کے عملے نے فیصل آباد ایئر پورٹ پر کارروائی کے دوران دبئی جانے والے 2 مسافروں سے 1.842 کلو گرام آئس ہیروئن برآمد کرلی۔

ترجمان اے ایس ایف کے مطابق ایک مسافر ناصر خان گزشتہ روز فیصل آباد سے شارجہ جانے کے لیے ایئر پورٹ پہنچا تھا۔

ترجمان کا کہنا ہے کہ مسافر محمد زمان اور عظمت بی بی  نے ہیروئن دو ٹرالی بیگوں میں مہارت سے چھپا رکھی تھی، اے ایس ایف کے عملے نے سامان کی تلاشی کے دوران  ہیروئن برآمد کر کے سمگلنگ کی کوششں ناکام بنا دی۔

ترجمان اے ایس ایف کا مزید کہنا ہے کہ ملزمان کو ابتدائی تفتیش کے بعدبرآمد شدہ ہیروئن سمیت مزید قانونی  کارروائی کے لئے اے این ایف حکام کے حوالے کر دیا گیا ہے۔