پاکستان کے نئے باؤلنگ کوچ شان ٹیٹ کی پاکستان آمد ان کے والد کے انتقال کی وجہ سے تاخیر کا شکار ہے، پاکستان کرکٹ بورڈ (پی سی بی) نے تصدیق  کردی ہے۔

تفصیلات کے مطابق جاری کردہ ایک بیان میں پی سی بی نے شان ٹیٹ سے ان کے والد کے انتقال پر تعزیت کا اظہار کیا اور بتایا کہ ان کی پاکستان آمد میں تاخیر ہوگئی ہے۔

پی سی بی کا کہنا ہے کہ شان کی نئی آمد کی تاریخ مقررہ وقت پر تصدیق کر دی جائے گی۔

واضح رہے کہ شان ٹیٹ کو 12 ماہ کے لیے پاکستانی ٹیم کا نیا بولنگ کوچ مقرر کیا گیا ہے، ٹیم کے ساتھ ان کی پہلی سیریز 24 سال بعد آسٹریلیا کا دورہ پاکستان ہوگی جس کا پہلا ٹیسٹ 4 مارچ سے شروع ہوگا۔