برطانیہ میں جاری لندن فیشن ویک 2022 میں ایک خاتون ماڈل کو ریمپ پر واک کے دوران انتہائی شرمندگی کا سامنا کرنا پڑا۔

سوشل میڈیا پر وائرل ہونے والی ویڈیو میں ماڈل کے گرنے سے پہلے سنبھل کر چلنے کی جدوجہد کرتے دیکھا جاسکتا ہے۔

طویل قامت ماڈل گرنے سے پہلے جس انداز میں چلنے کی کوشش کر رہی تھیں، وہ منظر کسی ڈراونی فلم کا سین معلوم ہوتا ہے۔

دورانِ شو ماڈل کے اس شرمناک  طریقے سے گرنے کی وجہ ان کی ہیل والی سینڈل بنی، جسے پہن کر وہ اپنا توازن برقرار نہ رکھ سکیں۔

ماڈل نے کئی بار اپنا توازن برقرار رکھنے کی کوشش کی تاہم آخر کار وہ گر پڑی۔

ایک صارف نے ویڈیو پر کئے گئے اپنے تبصرے میں کہا کہ ہم سب گرتے ہیں، اس میں ہنسنے کی کوئی وجہ نہیں۔

ایک اور صارف نے ماڈل کی تعریف میں لکھا کہ اگرچہ انہوں نے ٹھوکر کھائی لیکن اس کے باوجود انہوں نے واک جاری رکھی۔

جبکہ ایک صارف لکھتے ہیں کہ جوتے کی ٹوٹی ہوئی ہیل ان کے ٹخنے کو موڑ سکتی تھی۔

واضح رہے کہ لندن میں فیشن ویک کا آغاز جمعے کے روز ہوا تھا۔ یہ ایونٹ پانچ روز جاری رہے گا۔ اس مرتبہ متعدد اہم فیشن ڈیزائنرز کی عدم موجودگی کے سبب ابھرتے ہوئے ڈیزائنرز کے خود کو نمایاں کرنے کے لیے میدان صاف ہے۔

ایونٹ میں معروف برانڈز کے 37 شوز شامل ہیں۔