بولی وڈ کی سب سے خوبصورت مسکراہٹ والی سدا بہار  اداکارہ مادھوری دکشت نے “دی کپل شرما شو” میں اپنی زندگی کا ایک مزاحیہ واقعہ شیئر کیا۔

اداکارہ میں رواں ہفتے شو میں اپنی پہلی ویب سیریز “دی فیم گیم” کی تشہیر کرتی نظر آئیں گے۔

مادھوری نے ساتھی اداکار سنجے کپور کے ساتھ دی کپل شرما شو میں شرکت کی۔

انہوں نے ایک واقعہ شیئر کرتے ہوئے بتایا کہ انہوں نے اپنے ڈرائیور کو ایک قلم اور کاغذ مانگنے کے لیے فون کیا تاکہ وہ ان چیزوں کی فہرست بنا سکیں جو وہ اپنے گھر سے لانا چاہتی تھیں۔

انہوں نے کہا کہ جب ڈرائیور نے مادھوری کو قلم اور کاغذ دیا تو انہوں نے اس پر سامان لکھنے کے بجائے عادت سے مجبور ہوکر آٹوگراف دے کر اسے واپس  کردیا۔

اس پر ردعمل ظاہر کرتے ہوئے میزبان کپل شرما نے سنجے سے بھی کچھ ایسا ہی شیئر کرنے کو کہا لیکن وہ سب ہنس پڑے۔

مادھوری اور سنجے اس سے قبل 1995 کی فلم “راجہ” میں ایک ساتھ کام کر چکے ہیں۔

شو کی آنے والی قسط کے پرومو میں، مادھوری اور سنجے اپنے مقبول چارٹ بسٹر “اکھیاں ملاوں کبھی” پر رقص کرتے ہوئے بھی نظر آئے۔

اس موقع پر کپل نے کہا کہ یہ کالج کے لڑکوں کے بٹوے میں پیسے نہیں ہوتے لیکن وہ ہمیشہ مادھوری کی تصویر رکھتے تھے۔

مادھوری “دی فیم گیم” کے ساتھ اپنا OTT ڈیبیو کر رہی ہے، جس کا عنوان پہلے “فائنڈنگ انامیکا” تھا۔

وہ انامیکا آنند نامی بولی وڈ اسٹار کے کردار میں نظر آئیں گی جس کی زندگی کا ایک تاریک پہلو بھی ہے، جو اس کی گلیمرس امیج سے چھپا ہوا ہے۔

مادھوری اور سنجے کے علاوہ اس میں مناو کول، لکشویر سرن، مسکان جعفری اور سوہاسنی مولی بھی ہیں۔ یہ شو 25 فروری کو نیٹ فلکس پر ریلیز ہوگا۔

شو کو ان الفاظ میں بیان کیا گیا ہے، “بولی وڈ کی آئیکن انامیکا آنند کے پاس سب کچھ ہے لیکن کیا ان کی زندگی پرفیکٹ ہے یا چمکدار، گلیمر اور شہرت کی دنیا میں یہ ایک بالکل بناوٹی چہرہ ہے؟  کیا حقیقی ہے اور کیا نہیں اس کی لکیریں اکثر دھندلی ہوسکتی ہیں۔