امریکی اخبار نیویارک ٹائمز نے مقبول ترین پزل ورڈ گیم کو خرید لیا ہے۔

بی بی سی کے مطابق نیویارک ٹائمز نے دنیا بھر میں مقبول ورڈ گیم’ Worldle‘ کو خرید لیا تاہم اس معاہدے کی مزید تفصیلات جاری نہیں کی گئی ہیں۔ تاہم اس کے لیے ادا کی گئی رقم 7 ڈیجٹ میں ہے۔

رپورٹ کے مطابق اس مفت اور سادہ سے گیم کو سافٹ ویئر انجینئر جوش وارڈلے نے گزشتہ سال اکتوبر میں ریلیز کیا تھا اور چند ہی ماہ میں اسے کھیلنے والوں کی تعداد لاکھوں سے تجاوز کرچکی ہے۔

جوش وارڈلے نے اس گیم کی کامیابی کو شان دار قرار دیتے ہوئے  اپنی ٹوئٹ میں نیویارک ٹائمز کے ساتھ ہونے والی ڈیل کا اعلان کیا۔ جب کہ نیویارک ٹائمز کا اس حوالے سے کہنا ہے کہ فی الحال یہ گیم کھلاڑیوں کے لیے مفت میں ہی میسر ہوگا۔

Advertisement

An update on Wordle pic.twitter.com/TmHd0AIRLX

— Josh Wardle (@powerlanguish) January 31, 2022

اس گیم میں کھلاڑیوں کو 6 اندازوں میں 5 حرفی لفظ تلاش کرنا ہوتا ہے۔ اس میں روزانہ ایک نیا معمہ شایع ہوتا ہے اور کم سے کم وقت میں اسے حل کرنے والا کھلاڑی اسے سوشل میڈیا پر پوسٹ کردیتا ہے۔

ٹوئٹر پر اس معاہدے کا اعلان کرتے ہوئے وارڈلے نے مزید کہا کہ ’ وہ اپنے گیم میں نیویارک ٹائمز کی دلچسپی لینے پر ادارے کے بہت مشکور ہی اور اس بات کا احترام کرتے ہیں کہ وہ ان کے کھلاڑیوں کے ساتھ کیسا برتاؤ کرتے ہیں۔