کراچی میں لوٹ مار جاری، رواں سال مختلف وارداتوں میں 16 افراد قتل

ویب ڈیسک

21st Feb, 2022. 01:54 pm
شيئر

شہر میں لوٹ مار جاری ہے، ملزمان درجنوں وارداتیں کرنے لگے ہیں۔

تفصیلات کے مطابق رواں برس لوٹ مار کی مختلف وارداتوں میں 16 افراد قتل ہوئے جبکہ کراچی میں 3ہزار 800 سے زائد موبائل فونز چھین لئے گئے۔

جرائم کی بڑھتی ہوئی وارداتوں میں یکم جنوری سے 20 فروری تک 20 سے زائد گاڑیاں چھینی گئیں اور شہرہوں سے اسلحے کے زور پر 670 سے زائد موٹر سائیکلیں بھی چھینی گئیں۔

اس کے علاوہ موٹرسائیکل لفٹرز 6 ہزار سے زائد موٹرسائیکلیں لے اڑے جبکہ 300 کے قریب گاڑیاں چوری ہوئیں۔

صحافی اطہر متین کے قاتلوں کی تاحال گرفتاری نہ ہوسکی

ذرائع کے مطابق آج مقتول اطہر متین کے بھائی اور صحافتی تنظیمیں سر جوڑ کر کراچی پریس کلب میں بیٹھیں گی۔

کراچی پریس کلب میں دعائیہ تقریب کا اہتمام 4 بجے کیا گیا ہے، جس میں مقتول کے بڑے بھائی نامور صحافی طارق متین اور دیگر خاندان کے افراد بھی شریک ہونگے۔

کرائم رپورٹرز کی تنظیم کرائم رپورٹرز ایسوسی ایشن نے بھی 72 گھنٹوں میں قاتلوں کی گرفتاری نہ کئے جانے کی صورت میں اجلاس دوپہر 3 بجے طلب کرلیا گیا۔

یہ بھی پڑھیں: کراچی میں گاڑی پر فائرنگ ، صحافی اطہر متین جاں بحق

صحافتی تنظیموں نے قاتلوں کی عدم گرفتاری پر اطہر متین کی فیملی کے ساتھ احتجاجی مظاہرے اور دھرنے دینے کے لئے پہلے سے ہی اعلان کررکھا ہے۔