بھارت اور ویسٹ انڈیز کے درمیان ون ڈے سیریز کے پہلے میچ میں بھارت نے ویسٹ انڈیز کو با آسانی 6 وکٹوں سے شکست دے دی ہے۔

تفصیلات کے مطابق بھارت نے ٹاس جیت کر پہلے بولنگ کا فیصلہ کیا۔

ویسٹ انڈیز  بھارت کے سامنے بے بس رہی اور پوری ٹیم 176 رنز بنا کر آل آؤٹ ہوگئی،ویسٹ انڈیز کی جانب سے جیسن ہولڈر 57 رنز بنا کر نمایاں بیٹسمین رہے،فابیئن ایلن 29، ڈیرن براوو اور نکوہلس پورن نے 18،18 رنز بنائے جبکہ کپتان کیرن پولارڈ بغیر کھاتہ کھولے ہی پویلین لوٹ گئے۔

بھارت کی جانب سے چاہل نے 4 کھلاڑیوں کو پویلین کی راہ دکھائی،سندر نے 3 وکٹیں حاصل کیں،پراسدھ کرشنا 2 جبکہ محمد سراج نے 1 وکٹ حاصل کی

ویسٹ انڈیز کی جانب سے دیا گیا ہدف بھارت نے با آسانی 4 وکٹوں کے نقصان پر  28 ویں اوور میں حاصل کر لیا۔

بھارت کی جانب سے کپتان روہیت شرما 60 رنز بنا کر ٹاپ اسکورر رہے،سوریا کمار یادو 34 رنز بنا کر ناقابل شکست رہےجبکہ ایشان کشن نے 28 رنز بنائے۔

ویسٹ انڈیز کی جانب سے  جوزیف نے 2 جبکہ اکیل حسین نے 1 وکٹ حاصل کی۔