خسرو بختیار نے کہا ہے کہ ڈی اے پی کی مقامی پیداواری صلاحیت بڑھانے کیلئے نئی کھاد پالیسی جلد لائیں گے۔

وفاقی وزیر خسرو بختیار اور وفاقی وزیر فوڈ سیکیورٹی فخر امام کے زیر صدارت کھاد کے حوالے سے اجلاس ہوا جس میں آئندہ موسم خریف کیلئے ڈی اے پی اور اسکی متبادل مصنوعات کی طلب و رسد پر بریفنگ دی گئی۔

بریفنگ میں بتایا گیا کہ ملک میں ڈی اے پی کا زیادہ انحصار درآمد پر ہوتا ہے ، یوریا کے مقابلے ڈی اے پی کی زیادہ قیمت کیوجہ یہ ہے کہ اس ربیع میں ڈی اے پی 17.7فیصد کم ڈالا گیا۔

خسرو بختیار نے کہا کہ آئندہ خریف بوائی میں سستی ڈی اے پی فراہمی کیلئے سبسڈی پلان واضح کیا جائے ، حکومت کسانوں کو کھاد کی عالمی قیمتوں کے اثر سے محفوظ رکھنے کیلئے ہر ممکن کوشش کرے گی۔

انہوں نے کہا کہ ڈی اے پی کی مقامی پیداواری صلاحیت بڑھانے کیلئے نئی کھاد پالیسی جلد لائیں گے۔