پاکستان شوبز انڈسٹری کے معروف اداکار نور حسن کی سرجری مکمل ہو گئی۔

منشا پاشا نے فوٹو اینڈ ویڈیو شیئرنگ ایپ انسٹاگرام پر خصوصی اسٹوری لگائی جس میں اُنہوں نے اپنی اور اداکار نور حسن کی تصویر شیئر کی۔

اداکارہ نے اپنی اسٹوری میں بتایا کہ نُور حسن نے اپنے پاؤں کی سرجری کروائی ہے۔

منشا پاشا نے اپنے مداحوں سے اپیل کرتے ہوئے کہا کہ وہ نور حسن کی جلد صحتیابی کے لیے دُعا کریں۔

تاہم منشا پاشا نے اپنے پیغام میں یہ واضح نہیں کیا کہ نور حسن نے اپنے پاؤں کی سرجری کیوں کروائی۔

منشا پاشا کی اسٹوری مختلف پلیٹ فارمز پر وائرل ہورہی ہے جہاں صارفین اداکار کے لیے دُعا کررہے ہیں۔