پیٹرولیم مصنوعات کی قیمتوں میں ہوشربا اور ظالمانہ اضافے کے خلاف مذمتی اور حکمرانوں کے مستعفی ہونے کی قرارداد اسمبلی میں جمع کرادی گئی۔

قرارداد مسلم لیگ ن کی رکن پنجاب اسمبلی عنیزہ فاطمہ کی جانب سے جمع کرائی گئی۔

قرارداد کے متن میں کہا گیا کہ عوام پر مہنگائی، بجلی، گیس، پٹرول کی قیتوں میں اضافے کی مسلسل بجلیاں گرائی جارہی ہیں۔

پنجاب اسمبلی میں جمع کروائی گئی اس قرار داد میں مطالبہ کیاگیا کہ وفاقی حکومت مہنگائی کنٹر ول نہیں کرسکتی تو مستعفی ہو جائے۔

متن کے مطابق پیٹرول میں 12 اور ڈیزل میں 9 روپے سے زائد فی لٹر قیمتوں میں ظالمانہ اضافہ کرکے عوام پر مہنگائی اور فاقہ کشی کے کوڑے برسانے کا سلسلہ جاری ہے۔

قرار داد میں یہ بھی کہا گیا حکمرانوں نے ساڑے تین سال سے عوام کو صرف مہنگائی اور بے روزگاری کے سواکچھ نہیں دیا، پالیسی ریٹ سے لے کر کھانے پینے کی اشیاء تک ہر چیز کی قیمت میں اضافہ کرپشن اور نااہلی کا نہ ختم ہونے والاسلسلہ مسلسل جاری ہے۔

یہ بھی پڑھیں: حکومت نے پیٹرول کی بلند ترین قیمت کا اپنا ہی ریکارڈ توڑ ڈالا، سراج الحق

قرار داد کے مطابق حکومت کا ہر فیصلہ قوم کے لئے ایک نیا برا دن لے کر طلوع ہورہا ہے، بجلی، گیس، پٹرول اور ٹیکس ریٹ کی موجودہ شرح پر کاروبار چل سکتا ہے نہ ہی غریب کا گھر۔

متن کے مطابق پنجاب کا یہ ایوان پیٹرولیم مصنوعات کی قیمتوں میں اس اضافے کی شدید مذمت کرتا ہے۔

یہ بھی پڑھیں: حکومت نے آئی ایم ایف کی شرائط پر پیٹرولیم مصنوعات کی قیمتوں میں اضافہ کیا

حکومت نے ایک بار پھر عوام پر پیٹرول بم گرادیا

حکومت نے پیٹرول کی قیمت میں 12 روپے سے زائد اضافے کا اعلان کردیا۔

حکومت نے ایک بار پھر عوام پر پیٹرول بم گرادیا، پیٹرولیم مصنوعات کی قیمتوں میں اضافہ کردیا۔

وزارت خزانہ کی جانب سے جاری کردہ نوٹی فکیشن کے مطابق پیٹرول کی قیمت میں 12 روپے اور 3 پیسے اضافہ کیا گیا ہے جس کے بعد نئی قیمت 159 روپے اور86 پیسے فی لیٹر ہوگئی۔

ڈیزل کی فی لیٹر قیمت میں 9 روپے اور 53 پیسے کا اضافہ کیا گیا ہے، نئی قیمت 154 روپے 15 پیسے فی لیٹر ہوگئی ہے۔

لائٹ ڈیزل کی فی لیٹر قیمت میں 9 روپے 43 پیسے اضافہ کیا گیا ہے، نئی قیمت 123 روپے 97 پیسے فی لیٹر ہوگئی ہے۔

مٹی کا تیل 10 روپے اور 8 پیسے مہنگا کردیا گیا ہے اور اس کی نئی قیمت 126 روپے اور56 پیسے فی لیٹر ہوگئی ہے۔

وزارت خزانہ کے مطابق قیتموں کا اطلاق آج رات 12 بجے سے ہوگیا۔

یہ بھی پڑھیں: کورونا کی پانچویں لہر مزید 49 جانیں لے گئی