خیبرپختونخوا میں بلدیاتی انتخابات کے پہلے مرحلے کے ضمنی انتخاب کے لیے پولنگ کا وقت ختم ہونے کے بعد گنتی کا عمل جاری ہے۔

خیبرپختونخوا میں بلدیاتی انتخابات کے پہلے مرحلے میں امیدواروں کے انتقال اور ناخوشگوار واقعات کے باعث ملتوی ہونے والی نشستوں پر پولنگ اسٹیشنز پر دوبارہ پولنگ کی گئی۔

پشاور، نوشہرہ، خیبر، مہمند، مردان، کوہاٹ، کرک، بنوں، لکی مروت، ڈی آئی خان، چارسدہ، بونیر اور باجوڑ میں آج ضمنی انتخابات کے لیے پولنگ کی گئی ہے۔

40 پولنگ اسٹیشنز کے غیرسرکاری نتائج کے مطابق تحریک انصاف کے عمرامين گنڈا پور 12 ہزار 32 ووٹ لے کر آگے ہیں۔

غیرسرکاری تنائج کے مطابق جے يو آئی کے کفيل نظامی 8 ہزار 900  ووٹ لے کر دوسرے جبکہ پیپلزپارٹی کے فيصل کريم کنڈی 4 ہزار 96 ووٹ لے کر تيسرے نمبر پر ہیں۔

خیال رہے کہ ڈیرہ اسماعیل خان میں اے این پی کے امیدوار عمر خطاب کے قتل کے باعث سٹی مئیر کا انتخاب ملتوی کر دیا گیا تھا۔

میئر کے الیکشن کیلئے پیپلزپارٹی کے فیصل کریم کنڈی خود میدان میں ہیں جبکہ وفاقی وزیر علی امین گنڈا پور نے اپنے بھائی عمر امین کو مقابلے میں اتارا ہے۔ مولانا فضل الرحمان نے کفیل احمد نظامی کو امیدوار بنایا ہے۔