پاکستان وومیز کرکٹ ٹیم کی کپتان بسمہ معروف نے کہا ہے کہ آئی سی سی  ورلڈ کپ کے میگا ایونٹ میں ٹیم کا پہلا ہدف سیمی فائنل ہے۔

مقامی میڈیا سے گفتگو کرتے ہوئے بسمہ معروف نے کہا کہ نیوزی لینڈ میں ہونے والے آئی سی سی وومینز ورلڈ کپ کا میگا ایونٹ ہمیں اپنا نام بنانے کا بہترین موقع فراہم کرے گا۔

پاکستان وومینز کرکٹ ٹیم کی کپتان بسمہ معروف نے کہا کہ میگا ایونٹ ہماری ٹیم کے لئے ایک چیلنج ہے کیونکہ ہماری ٹیم نے اس میگا ایونٹ میں کبھی سیمی فائنل تک رسائی حاصل نہیں کی۔

بسمہ معروف نے کہا کہ ہماری ٹیم کو تجربہ کھلاڑیوں کی خدمات حاصل ہے اس مرتبہ ہم تاریخ بدلنے کی کوشش کریں گے۔

بسمہ معروف نے مزید کہا کہ اسکواڈ میں جویریہ خان ، ندا ڈار ، فریال بیگ اور انعم امین شامل جو تمام بہترین کھلاڑی ہیں، جبکہ عالیہ ریاض اور عمیمہ سہیل بھی اپنا ٹیلنٹ میگا ایونٹ میں دکھانے کے لئے بے چین ہیں۔

پاکستانی خواتین کرکٹ ٹیم کی کپتان کا کہنا تھا کہ گزشتہ 5 سال سے ہماری ٹیم نے کئی اتار چڑھاؤ دیکھے ہیں ، خاص طور پر کورونا کے بعد ہماری ٹیم بکھر سی گئی تھی، لیکن ہم اس ایونٹ سے نئی شروعات کریں گے۔