پاکستانی شوبز کی معروف اداکارہ اُشنا شاہ نے ڈراموں میں کزن میرج کے رجحان کے خلاف سوشل میڈیا پر ایک بیان جاری کیا ہے۔

اُشنا شاہ کا کہنا ہے کہ بطور آرٹسٹ ڈراموں میں ہمیں کزن میرج کو پروموٹ نہیں کرنا چاہیے۔

انہوں نے اپنے آگاہی پیغام میں کہا کہ لوگوں کو بتانا ہوگا کزن میرج سے صحت پر لاتعداد مسائل پیدا ہوسکتے ہیں۔ کزن میرج میں ہونے والے بچے نا صرف تھیلیسیمیا بلکہ مختلف قسم کی معذوری کا شکار ہوسکتے ہیں۔

اُشنا کا کہنا تھا کہ ہمیں اس مسئلے کو سنجیدہ لینا ہوگا۔

Advertisement

As artists & creators we should stop encouraging cousin romances in dramas. Generations of cousin marriages have resulted in countless health issues & birth defects in children such as thallassamia & learning disabilities. Let’s take this seriously.https://www.bolnews.com/urdu/latest/2022/02/924790/amp/

— Ushna Shah (@ushnashah) February 19, 2022

کزن میریج سے ہونے والی بیماریاں

بہت سے مطالعات میں یہ بات سامنے آئی ہے کہ کزن میرج کی وجہ سے بچے کی صحت کو نقصان ہوسکتا ہے یا پیدائشی طور پر کوئی نقص بھی ہوسکتا ہے۔

اس کی وجہ سے بچوں میں تھیلسیمیا، سیسٹک فائبروسس، ڈاؤن سنڈروم، دل کی بیماری، آٹزم، اندھا پن، بہرا پن، عام ہیں۔

پاکستان میں کزن میریج سے ہونے والی 360 سے زائد جینیاتی بیماریوں کی تشخص کی گئی ہے۔

خاندان میں شادی منع نہیں ہے لیکن والدین کو چاہیے کہ شادی سے پہلے بچوں کا بلڈ ٹیسٹ کرا لیا جائے تاکہ بچے کسی بھی قسم کی پچیدگیوں سے بچ سکیں اور اپنی آنے والی زندگی میں کسی مسائل کا شکار نہ ہوں۔