عامر لیاقت حسین ایک بار پھر رشتہ ازدواج میں منسلک ہوگئے ہیں جس کا اعلان انہوں نے سوشل میڈیا پر شادی کی تصویر کے ساتھ کیا ہے۔

اپنے سوشل اکاؤنٹس پر تصویر شیئر کرتے ہوئے عامر لیاقت نے بتایا ہے کہ گزشتہ رات وہ 18 سالہ سیدہ دانیہ شاہ سے رشتہ ازدواج میں منسلک ہوئے ہیں۔

عامر لیاقت حیسن کی اپنی تیسری بیوی دانیہ کے ہمراہ ایک ویڈیو سامنے آئی ہے جو کہ سوشل میڈیا پر تیزی سے وائرل ہورہی ہے۔

اس سے قبل ایک اور ویڈیو وائرل ہوئی جس میں نوبیاہتا جوڑے کو ایک ساتھ دیکھا گیا ۔

علاوہ ازیں عامر لیاقت کی تیسری اہلیہ ان کی سوتے ہوئے ویڈیو بنانے میں مصروف نظر آرہی ہیں ۔

خیال رہے کہ یہ ویڈیو گزشتہ رات کی ہے جو کہ آج شادی کے اعلان کے بعد سامنے آئی ہے۔

واضح رہے کہ ڈاکٹر عامر لیاقت حسین نے کچھ دیر قبل اپنے سوشل اکاؤنٹس کے ذریعے دانیہ کے ساتھ اپنی تیسری شادی کا باقاعدہ طور پر اعلان کیا ہے۔

عامر لیاقت نے بتایا ہے کہ ان کا دانیہ کے ساتھ نکاح گزشتہ رات کو ہوا ہے اور ساتھ ہی لوگوں سے دعاؤں کی درخواست بھی کی ہے۔

 انہوں نے بتایا ہے کہ ان کی بیوی دانیہ کا تعلق لودھراں، جنوبی پنجاب کے ایک معزز نجیب الطرفین “سعادت” خاندان سے ہے۔

عامر لیاقت حسین نے سابقہ شادی کا ذکر کرتے ہوئے کہا کہ میں اپنی زندگی کے ایک تاریک حصے سے سے گزرا ہوں  جو کہ ایک غلط موڑ ہے اور ساتھ میں اپنے مداحوں اور خیر خواہوں سے دعا کی بھی اپیل بھی کی ہے۔