ترک اداکار انگین آلتان دوزیتان کے لیے ویلنٹائن ڈے پر اُن کی اہلیہ نے محبت بھرا پیغام شیئر کیا ہے۔

نیسلیشے الکوچلر نے فوٹو اینڈ ویڈیو شیئرنگ ایپ انسٹاگرام پر اپنے شوہر، اداکار انگین آلتان کے ساتھ چند تصاویر شیئر کی ہیں۔

اداکارہ نے اپنی پوسٹ کے کیپشن میں ترک زبان میں لکھا ہے کہ وہ انتہائی فطری اور جذباتی انداز کے ساتھ اپنے پیارے شوہر کا اُنہیں زندگی میں ایک خاندان اور سچی محبت دینے کے لیے شکریہ ادا کرنا چاہیں گی۔

اداکار نے بھی اپنی انسٹا اسٹوری پر اپنی اہلیہ کے ساتھ ایک سیلفی شیئر کی اور اُنہیں ویلنٹائن ڈے کی مبارکباد دی ہے۔

واضح رہے کہ آج دنیا بھر میں محبت کا عالمی دن ’ویلنٹائن ڈے‘ منایا جارہا ہے۔