سابق وزیر داخلہ رحمان ملک کی صحت کے حوالے سے افسوسناک خبر سامنے آگئی۔

تفصیلات کے مطابق پاکستان پیپلزپارٹی کے رہنما و سابق وزیر داخلہ رحمان ملک میں کورونا وائرس کی تشخیص ہوئی ہے۔

خاندانی ذرائع  کا کہنا ہے کہ رحمان ملک چند دن قبل کورونا سے ٹھیک ہوگئے تھے، آج اچانک طبیعت خراب ہونے پر فوری شفا انٹرنیشنل اسپتال منتقل کیا گیا ہے۔

خاندانی ذرائع  کا مزید کہنا ہے کہ سابق وفاقی وزیر داخلہ کے پھیپھڑے کورونا وائرس سے متاثر ہوئے ہیں اور انہیں اس وقت نجی اسپتال کے انتہائی نگہداشت کے وارڈ (آئی سی یو) میں داخل کیا گیا ہے۔

خاندانی ذرائع نے قوم سے رحمان ملک کی صحت یابی کیلئے دعا کی اپیل کی ہے۔