کالج پرنسپل حسین فاطمہ کا کہنا ہے کہ سرفراز احمد کرکٹ اکیڈمی نے کالج گراؤنڈ پر قبضہ کر رکھا ہے۔

گورنمنٹ ڈگری گرلز کالج ناظم آباد کے کرکٹ گراؤنڈ پر قبضے کے معاملے پر محکمہ کالج نے تاخیر سے ہی صحیح گراؤنڈ واگزار کرانے کے لیے کمشنر کراچی اور ضلعی انتظامیہ کو خط لکھ دیا۔

گورنمنٹ ڈگری گرلز کالج ناظم آباد کی پرنسپل حسین فاطمہ کا کہنا ہے کہ سابق کپتان نے کرکٹ گراؤنڈ پر قبضہ کر رکھا ہے اور کالج گراؤنڈ کے مرکزی داخلی دروازے پر سرفراز احمد کرکٹ اکیڈمی کا نام کا بورڈ لگا دیا گیا ہے۔

کالج پرنسپل حسین فاطمہ کا طالبات کے ہمراہ احتجاج کرتے ہوئے کہنا تھا کہ طالبات کو گراؤنڈ میں آنے سے روکا جاتا ہے اور انہیں دھمکیاں دی جا رہی ہے۔

کالج پرنسپل کی جانب سے متعلقہ اداروں کو لکھے گئے خطوط پر محکمہ کالج نے متحرک ہوتے ہوئے کمشنر کراچی کو کالج گراؤنڈ واگزار کرانے کے لیے رجوع کر لیا ہے۔