آرمی چیف جنرل قمر جاوید باجوہ نے کہا ہے کہ پاکستان سعودی عرب کیساتھ تاریخی اور برادرانہ تعلقات کو قدر کی نگاہ سے دیکھتا ہے۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ سے سعودی وزیر داخلہ نے ملاقات کی جس میں باہمی دلچسپی، علاقائی سیکیورٹی اور افغانستان کی صورتحال پر تبادلہ خیال کیا گیا۔

ترجمان پاک فوج کے مطابق ملاقات میں دونوں ممالک کے درمیان دوطرفہ دفاعی تعاون پر بھی بات چیت کی گئی۔

سعودی وزیر داخلہ نے افغانستان کی صورتحال پرپاکستان کے کردار کو سراہا جب کہ بارڈر مینجمنٹ اور علاقائی استحکام کے لئے پاکستان کی کوششوں کی بھی تعریف کی۔

اس موقع پر آرمی چیف نے کہا کہ پاکستان سعودی عرب کے ساتھ تاریخی اور برادرانہ تعلقات کو قدر کی نگاہ سے دیکھتا ہے اور سعودی عرب کا اسلامی دنیا میں اپنا نمایاں مقام ہے۔