شہباز شریف اور حمزہ شہباز کیخلاف منی لانڈرنگ کیس میں نیب کے گواہاں کا بیان قلم بند کر لیا۔ 

تفصیلات کے مطابق احتساب عدالت لاہور میں شہباز شریف خاندان کے خلاف منی لانڈرنگ ریفرنس پر کیس کی سماعت ہوئی۔

اپوزیشن لیڈر پنجاب اسمبلی حمزہ شہبازعدالت میں پیش ہوئے۔

وکیل شہباز شریف امجد پرویز ایڈووکیٹ نے عدالت کو بتایا کہ شہباز شریف کورونا کی وجہ سے ابھی تک بیڈ ریسٹ پر ہیں۔ ڈاکٹرز نے انہیں آرام تجویز کیا ہے۔

نیب کے گواہ چوہدری شاہد، سیکشن آفیسروزیراعلی آفس پرامجد پرویز ایڈووکیٹ نے جرح کی۔

چوہدری شاہد نےعدالت کو بتایا کہ جو ریکارڈ نیب کو دیا وہ میری تقرری سے پہلے کا ہے۔ شریک ملزمان علی احمد اور نثار احمد کی تنخواہوں کا ریکارڈ نیب کو پیش نہیں کیا۔

چوہدری شاہد نے عدالت کو بتایا کہ نیب تفتیشی نے اخراجات کا جو دستاویز بنایا وہ ریکارڈ میں نے نہیں دیا۔

گواہ نے جرح پر جواب میں عدالت کو بتایا کہ اپریل 2020 میں نیب نے وزیراعلیٰ آفس سے ریکارڈ طلب کیا تھا۔ میں نے جو ریکارڈ پیش کیا اس میں نصرت شہباز کا نام نہیں ہے۔

نیب پراسیکیوٹرعلی احمد اور نثاراحمد وزیراعلی آفس تقرری کے بعد کمپنیاں چلاتے تھے جو پیسوں کی لین دین کرتی تھیں۔

احتساب عدالت نے حمزہ شہباز کو جانے کی اجازت دے دی۔

شہباز شریف اورحمزہ شہباز کیخلاف منی لانڈرنگ کیس پر سماعت 11 فروری تک ملتوی کردی۔

عدالت میں نیب کے گواہ  سدرہ منصور اور شاہد مجید سے جرح مکمل کی گئی جبکہ نیب کے گواہ غلام مصطفی نے اپنا بیان قلم بند کرا دیا۔

صدرمسلم لیگ ن شہبازشریف کے وکیل امجد پرویزایڈووکیٹ نے گواہان سے جرح کی۔

عدالت نے آئندہ سماعت پر دیگر گواہان کو طلب کر لیا۔