بلاول بھٹو زرداری کا کہنا ہےکہ اعلیٰ عدلیہ کو قومی معاملات پر نوٹس لینا چاہیے۔

چیئرمین پیپلز پارٹی بلاول بھٹو زرداری نے لاہور ہائیکورٹ بار سے خطاب کرتے ہوئے کہا کہ پارلیمنٹ بدترین دورسےگزررہی ہے، پارلیمنٹ توقعات کے مطابق کام نہیں کررہی،عمران خان کےدورمیں پاکستان جمہوریت سے دورہو رہا ہے۔

انہوں نے کہاکہ پیپلزپارٹی نے عدلیہ کی بحالی میں کردار ادا کیا، قانون کی بالادستی کے بغیر جمہوریت ممکن نہیں۔

چیئرمین پیپلز پارٹی نے کہاکہ ذوالفقارعلی بھٹوکا عدالتی قتل کیا گیا، ذوالفقارعلی بھٹوآج بھی عوام کےدلوں میں ہیں، آصف زرداری اور بےنظیر بھٹوپربھی بےبنیاد مقدمات بنائےگئے۔

یہ بھی پڑھیں : طلبا کی شکایات پر اسکالر شپس کا جدید نظام متعارف کرایا، وزیراعظم

بلاول بھٹو زرداری نے کہاکہ عدالتوں نے والد اور والدہ کوباعزت بری کیا۔

ان کا کہنا تھا کہ قانون ریاست اورعوام کےدرمیان پل کاکرداراداکرتاہے، قانون کےبغیرکوئی ریاست قائم نہیں رہ سکتی، ملک میں قانون کی بالادستی ضروری ہے۔

بلاول بھٹو نے کہاکہ ذوالفقارعلی بھٹو نے ملک کو جمہور یت اورآئین کا تحفہ دیا، پیپلزپارٹی نےعوام کوووٹ کا حق دیا، ملک میں ہماری امیدوں کے برعکس نظام چلایا جا رہا ہے ۔

 یہ بھی پڑھیں : تیل کی قیمتوں میں کمی کیلئے اپوزیشن کے پاس کوئی جادو کا چراغ ہے تو بتا دیں، فواد چوہدری

یہ بھی پڑھیں : ‘جو ملک معاشی طور پر مستحکم نہ ہوں دنیا انکی بات سنتی ہے لیکن توجہ نہیں دیتی’