قومی کرکٹ ٹیم کے سابق فاسٹ بولرشعیب  اختر نے کہا ہے کہ میرے لیے تین عظیم کھلاڑی وسیم اکرم، شین وارن اور سچن ٹنڈولکر ہیں۔

شعیب اختر نے کامیڈین تنمے بھٹ کے زیرِ اہتمام یوٹیوب چیٹ شو میں شین وارن کے بارے میں بات کرتے ہوئے کہا کہ شین وارن بڑے دل کے مالک تھے، وہ ایک اچھا دوست تھا جو ہمیشہ مدد کیلئے تیار رہتا تھا اور اس سے زیادہ اچھا بولر تھے۔

سابق فاسٹ بولر نے کہا کہ شین وارن کے اندر ایک تیز گیند باز چھپا ہوا تھا، ان کے انتقال کی خبر سْن کر مجھے بہت دکھ ہوا، وہ بہت جلد چلا گیا۔

اْنہوں نے تین عظیم کرکٹرز کا نام بتاتے ہوئے کہا کہ میرے لیے تین عظیم کھلاڑی وسیم اکرم، شین وارن اور سچن ٹنڈولکر ہیں۔

واضح رہے کہ آسٹریلیا کے لیجنڈری اسپنر شین وارن 4 مارچ کو دل کا دورہ پڑنے سے 52 سال کی عمر میں انتقال کرگئے تھے۔