جنسی ہرسانی قابل سزا جرم ہےور آج کل بہت سے ایسے واقعات سامنے آرہیں جن میں کئی معروف شخصیات ہرسانی میں ملوث ہونے کی سبب گرفتارکی جارہی ہیں۔ ایسا ہی ایک واقعہ بھارت میں پیش آیا جہاں معروف بھارتی کوریوگرافر اور فیشن ڈیزائنر و کنسلٹنٹ کے بیٹے کو اداکارہ کو فحش پیغامات بھیجنے پر گرفتار کرلیا گیا۔

بھارتی میڈیا کے مطابق پرساد بداپا کے بیٹے ایڈم بداپا کو ایک فلمی اداکارہ کونازیبا اور بےہودہ پیغامات بھیج کر ہراساں کرنے پر جمعہ کو گرفتار کرلیا گیا ہے۔ تاہم رپورٹ میں اداکارہ کا نام ظاہر نہیں کیا گیا ہے۔

بتایا جاتا ہے کہ مذکورہ اداکارہ نے 28 سالہ ایڈم کے خلاف بے ہودہ پیغامات بھیجنے پر کیس درج کرایا تھا۔

پولیس کے مطابق ایڈم بداپا کے خلاف جمعرات کو کیس درج ہوا جس پر اسے آج گرفتار کرکے تفتیش شروع کردی گئی ہے۔

ذرائع کے مطابق مذکورہ اداکارہ کو بھی دو برس قبل منشیات کے استعمال پر گرفتار کیا گیا تھا۔