بھارتی میڈیا کا کہنا ہے کہ مادھوری ڈکشٹ کرائے کے نئے گھر میں منتقل ہو گئیں ہیں۔

بھارتی میڈیا رپورٹ کے مطابق بالی ووڈ کی معروف اداکارہ مادھوری ڈکشٹ نے ممبئی میں ساڑھے 12 لاکھ روپے ماہانہ کرائے پر گھر لے لیا۔

بھارتی میڈیا کا کہنا ہے کہ اداکارہ اور ان کے شوہر سرجن شری رام نینے ممبئی کے پوش علاقے وورلی میں ایک نئے گھر میں منتقل ہو گئے ہیں یہ گھر انہوں نے لیز پر حاصل کیا ہے جس کا کرایہ ساڑھے 12 لاکھ روپے ماہانہ بتایا گیا ہے۔

مادھوری کا یہ گھر ایک بلند عمارت کی 29ویں منزل پر ہے اور اس کا کارپیٹ ایریا لگ بھگ 5500 اسکوائر فٹ ہے۔

اس گھر کی تصاویر انسٹاگرام پر ایک پیج لیتھ ڈیزائن کی جانب سے پوسٹ کی گئی ہیں جنہوں نے اپنی پوسٹ میں یہ بتایا کہ یہ گھر ان کے نئے کرائے دار مادھوری اور ان کے شوہر کا ہے۔

یاد رہے کہ مادھوری ڈکشٹ ان دنوں نیٹ فلیکس کی ایک ویب سیریز ’دی فیم گیم‘ میں اداکاری کے جوہر دکھا رہی ہیں جس کو ان کے مداحوں کی جانب سے بےحد پسند کیا جا رہا ہے۔