سوشل میڈیا پر شاہ رُخ کی تصویر والا ایک پوسٹر وائرل ہو رہا ہے جس نے صارفین کو ہنسنے پر مجبور کر دیا ہے۔

مشہور بھارتی اداکار شاہ رُخ خان کے سوشل میڈیا پر وائرل ہوتے ایک پوسٹر نے انٹرنیٹ صارفین کو ہنسنے پر مجبور کر دیا ہے جس میں ہاتھ، بازو اور پاؤوں کی ٹوٹی ہوئی ہڈیوں کو جوڑنے کا دعویٰ کیا جا رہا ہے۔

سوشل میڈیا ایپلیکیشن انسٹا گرام پر ایک حکیم خانے کے پوسٹر کے وائرل ہونے کی خاص وجہ یہ ہے کہ اس میں شاہ رُخ خان کی ہاتھ میں پٹی بندھی ایک تصویر لگی ہوئی ہے۔

پوسٹر میں دیکھا جا سکتا ہے کہ حکیم کی مشہوری کے ساتھ شاہ رُخ خان کی تصویر ایسے لگائی گئی ہے جیسے کہ اس پاکستانی حکیم نے ہی شاہ رُخ خان کی ٹوٹی ہوئی ہڈی کا علاج کیا ہو۔

یہاں دلچسپ بات یہ ہے کہ شاہ رُخ خان کی اس تصویر کو باقاعدہ سفید پلاسٹر والا بازو ایڈٹ کر کے لگایا گیا ہے۔

سوشل میڈیا صارفین اس مزاحکہ خیز پوسٹ پر خوب قہقہے لگا رہے ہیں اور اس پر بھرپور تبصرے جاری ہیں۔