پشاور میں نماز جمعہ کے دوران ہونے والے خودکش حملے پر افغان طالبان کا رد عمل سامنے آگیا۔

افغانستان میں طالبان حکومت نے پشاور میں قصہ خوانی بازار کی جامع مسجد میں ہونے والے خودکش دھماکے کی شدید مذمت کی ہے۔

افغان طالبان کے ترجمان اور افغانستان کے نائب وزیر اطلاعات ذبیح اللہ مجاہد نے سماجی رابطے کی ویب سائٹ پر ٹوئٹ کرتے ہوئے پشاور میں نماز جمعہ کے دوران ہونے والے دھماکے کی شدید مذمت کی۔

خواخوږي:
موږ د پاکستان پیښور کې په یوه مسجد کې چاودنه غندو، په ملکي خلکو او عبادت کونکو برید هیڅ توجیه نه لري.
په پیښه کې له ټولو متضررینو سره خپله ژوره خواخوږي ښیو.

Advertisement

— Zabihullah (..ذبـــــیح الله م ) (@Zabehulah_M33) March 4, 2022

افغان طالبان کے ترجمان نے اپنی ٹوئٹ میں کہا کہ ہم  پاکستان کے شہر پشاور کی مسجد میں ہونے والے دھماکے کی مذمت کرتے ہیں، شہریوں اور نمازیوں پر حملوں کا کوئی جواز نہیں ہے۔

یہ بھی پڑھیں؛ قصہ خوانی کی مسجد میں نماز جمعہ کے دوران خودکش دھماکا، 56 افراد شہید

زبیح اللہ مجاہد نے مزید کہا کہ ہم اس واقعے کے تمام متاثرین سے تعزیت کا اظہار کرتے ہیں۔

واضح رہے پشاور کے قصہ خوانی بازار کی مسجد میں نماز جمعہ کے دوران خودکش دھماکے میں 56 افراد شہید اور 100 سے زائد زخمی ہوئے ہیں جب کہ عینی شاہدین کا کہنا ہے کہ کالے لباس میں ملبوس خودکش حملہ آور نے پہلے سیکیورٹی اہلکاروں پر 5 سے 6 فائر کیے جس کے نتیجے میں گیٹ پر موجود پولیس اہلکار موقع پر ہی دم توڑ گیا تھا۔