اسلام آباد میں جیالوں سے خطاب کے دوران بلاول بھٹو کی زبان پھنسلنے کی ویڈیو کانپیں ٹانگ رہی ہیں نے سوشل میڈیا پر دھوم مچا رکھی ہے۔

رپورٹ کے مطابق گزشتہ روز اسلام آباد میں چیئرمین پیپلز پارٹی بلاول بھٹو کی عوامی مارچ سے کے دوران زبان پھنسل گئی تھی اور انہوں نے کہا تھا کہ اسلام آباد میں کانپیں ٹانگ رہی ہیں، جس کے بعد ان کا یہ جملہ سوشل میڈیا پر وائرل ہو گیا۔

پاکستانی معروف اداکارہ فاطمہ آفندی نے بھی بلاول کے اس بیان پر ایک مزاحیہ ویڈیو شئیر کی ہے۔

ویڈیو میں دیکھا جا سکتا ہے کہ فاطمہ آفندی اپنی دونوں ٹانگوں کو ہلاتے ہوئے بومرینگ بنا رہی ہیں جس میں وہ بےحد تیزی سے اپنی ٹانگیں ہلاتی نظر آ رہی ہیں۔

اداکارہ نے ویڈیو کے کیپشن میں لکھا کہ میری تو کانپیں ٹانگ رہی ہیں۔

فاطمہ آفندی کی یہ مزاحیہ ویڈیو سوشل میڈیا پر بھرپور وائرل ہو رہی ہے اور صارفین بھی اس پر تبصرے کر رہے ہیں۔

واضح رہے کہ بلاول بھٹو کا یہ جملہ ”کانپیں ٹانگ رہی ہیں” سوشل میڈیا پر ٹاپ ٹرینڈ بنا ہوا ہے اور مریم نواز سمیت کئی سیاسی و سماجی شخصیات اس جملے پر اپنے ردِ عمل کا اظہار کر رہی ہیں۔