پاکستان کی معروف اداکارہ اور احد رضا میر کی اہلیہ سجل علی کو نقاب میں دیکھ کر ان کے مداح حیران رہ گئے۔

پاکستان کی خوبرو اداکارہ سجل علی نے انسٹاگرام پر نقاب پہنے ایک انسٹا اسٹوری پر ایک ویڈیو شیئر کی ہے جس میں دیکھا جا سکتا ہے کہ انہوں نے سیاہ عبایا پہن رکھا ہے اور چہرے کو نقاب سے مکمل ڈھانپا ہوا ہے۔

سجل علی کو نقاب میں دیکھ کر ان کے مداح بےحد حیران ہیں اور وہ اس کشمکش کا شکار ہیں کہ شاید سجل نے پردہ کرنا شروع کر دیا ہے۔

ایک صارف نے سجل کی ویڈیو پر تبصرہ کرتے ہوئے لکھا کہ لگتا ہے توبہ کرلی۔

ایک صارف نے اداکارہ کی ویڈیو کو ان کے ڈپریشن سے جوڑا اور لکھا کہ وہ مایوس ہیں اور یہی وجہ ہے جب انسان مایوس ہو تو مذہب اور روحانیت کی جانب رخ کرتا ہے۔

جبکہ عائشہ نامی صارف نے لکھا کہ کہیں اداکارہ رمضان ٹرانسمیشن تو نہیں کر رہیں۔

تاہم سجل کی اس ویڈیو میں بیک گراؤنڈ پر گلوکار دانیال ظفر کا اڑھ چلیے گانا بھی سنا جاسکتا ہے جسے دیکھ کر اندازہ لگایا جا سکتا ہے کہ ممکنہ طور پر ویڈیو میں موجود سجل علی کا پہناوا کسی شوٹنگ کے لیے ہے جبکہ اداکارہ نے اس پر خاموشی اختیار کی ہوئی ہے اور اس حوالے سے مداحوں کے لئے کوئی بیان نہیں دیا۔