پولینڈ کی حسینہ  کیرولینا بائلاوسکا (Karolina Bielawska) نے مس ورلڈ 2021 کا ٹائٹل اپنے نام کر لیا ہے۔ 

70 ویں مس ورلڈ مقابلے میں جمیکا سے تعلق رکھنے والی 2019 کی سابق مس ورلڈ ٹونی این سنگھ  نے مس ورلڈ 2021 کا تاج  کیرولینا بائلاوسکا (Karolina Bielawska) کو پہنایا۔

مس ورلڈ 2021 مقابلے کی رنگا رنگ تقریب کا انعقاد  پورٹو ریکو میں ہوا۔

 70 ویں مس ورلڈ مقابلے میں 98 ممالک نے شرکت کی۔

2019 کی مس ورلڈ کا تاج جمیکا کی ٹونی این سنگھ جیتنے میں کامیاب ہوئی تھیں۔

واضح رہے کہ مس ورلڈ 2021 مقابلے کا پروگرام کورونا کے باعث گزشتہ سال دسمبر میں  عارضی طورپر ملتوی کر دیا گیا تھا ۔

اس وقت اعلان کیا گیا کہ مس ورلڈ 2021 مقابلے کا ایونٹ اگلے 90 دن میں پورٹو ریکو میں منعقد ہوگا۔

یاد رہے 2020 کا ایونٹ بھی کورونا کی وجہ سے منسوخ کر دیا گیا تھا۔