آسٹریلوی کرکٹ ٹیم کے آل راؤنڈر کیمرون گرین نے کہا ہے کہ بر سغیر کی کنڈیشنز کے مطابق کھیلنا سیکھ رہا ہوں۔

تفصیلات کے مطابق کیمرون گرین نے اپنے ایک بیان میں کہا کہ  نسیم شاہ نے اچھی بولنگ کی ہم نے لمبی پارٹنر شپ کی کوشش کی میرا آؤٹ ہونا بدقسمتی ہے۔

ان کا کہنا تھا کہ برصغیر کی کنڈیشنز کے مطابق کھیلنا سیکھ رہا ہوں، یہاں وکٹ پر ٹھہرنا پڑتا ہے لو باؤنس ملتا ہے۔

انہوں نے کہا کہ سو کے قریب آؤٹ  ہونا کوئی نہیں چاہتا ہے بدقسمتی  سے میں مزید نہیں کھیل سکا، ٹیسٹ میں سو کی اپنی اہمیت ہوتی ہے اگر سنچری کریں تو ہمیشہ یاد رہتی ہے۔

کیمرون گرین نے مزید کہا کہ نسیم شاہ نے پرانے گیند کا اچھا استعمال کیا، امید ہے گیند مزید پرانا ہونے پر سوئنگ ملے گی۔

واضح رہے کہ تیسرے ٹیسٹ میچ میں کیمرون گرین نے 79 رنز کی اننگ کھیلی۔