پاکستان کپ کے دوران کوڈ آف کنڈکٹ کے ریڈار نے فاسٹ بالر سہیل خان کو اپنی گرفت میں لے لیا۔ پی سی بی نے جرمانہ عائد کر دیا۔

میڈیا کی خبروں کے مطاق پاکستان کے کپ کے دوران خیبر پختونخوا کے دوسرے اوور میں سہیل خان کی ایل بی ڈبلیو کی اپیل امپائر نے مسترد کر دی۔

امپائر کے اس فیصلے پر فاسٹ بالر سہیل خان نے نامناسب رویئے کا اظہار کیا، جس پر پی سی بی کا کوڈ آف کنڈکٹ قانون حرکت میں آ گیا۔

پی سی بی کے مطابق پاکستان کپ میں سندھ اور کے پی کے کے مابین ایل سی سی اے گراؤنڈ لاہور میں جاری میچ میں فاسٹ بالر سہیل خان نے کوڈ آف کنڈکٹ کی شق 2.8 کی خلاف ورزی کی ہے، سہیل خان نے بھی اپنی غلطی تسلیم کر لی ہے۔

پی سی بی کے مقرر کردہ میچ ریفری ندیم ارشد نے سہیل خان پر میچ فیس کا 25 فیصد جرمانہ عائد کر دیا، فاسٹ بالر پر آن فیلڈ امپائرز قیصر وحید اور ناصر حسین نے چارجز لگائے۔

  دوسری جانب مقررہ وقت سے ایک اوور کم کروانے پر ناردرن کی ٹیم پر بھی جرمانہ عائد کردیا گیا ہے۔

پی سی بی کوڈ آف کنڈکٹ کی شق 2.22 کی خلاف ورزی کرنے پر پلیئنگ الیون میں شامل ناردرن کے کھلاڑیوں کو 10ہزار روپے جرمانہ ادا کرنا ہوگا۔ کپتان حیدر علی نےغلطی تسلیم کرتے ہوئے میچ ریفری محمد انیس کی تجویز کردہ سزا کو قبول کیا ہے۔

میچ میں ثاقب خان اور عمران جاوید آن فیلڈ امپائرز کی ذمہ داریاں نبھا رہے تھے۔ ناردرن اور سدرن پنجاب کے مابین میچ ہاؤس آف ناردرن اسلام آباد میں کھیلا گیا تھا۔