بالی وُڈ کے کنگ شاہ رُخ خان نے اپنی ”اسٹریمنگ سروس” شروع کرنے کا اعلان کر دیا ہے۔
بھارتی میڈیا رپورٹ کے مطابق بالی ووڈ کے کنگ شاہ رخ خان نے ’ایس کے آر پلس‘ کے نام سے اپنی اسٹریمنگ سروس شروع کرنے کا اعلان کردیا ہے۔

اس حوالے سے شاہ رُخ خان نے نئی ایپ کی تصویر اپنے آفیشل ٹوئٹر اکاؤنٹ پر شئیر کرتے ہوئے لکھا کہ ’او ٹی ٹی کی دنیا میں کچھ ہونے والا ہے‘۔

یہ پوسٹ دیکھ کر کنگ خان کے مداح جہاں بےحد خوش ہیں وہیں تجسس کا بھی شکار ہیں کہ آخر شاہ رُخ خان کیا کرنے والے ہیں اور آگے کیا ہونے والا ہے۔
بالیہ وُڈ کے چاکلیٹی ہیرو سلمان خان نے بھی شاہ رُخ کے اس ٹوئٹ کو ری ٹوئٹ کرتے ہوئے انہیں مبارکباد پیش کی اور لکھا کہ ‘آج کی پارٹی تیری طرف سے’

Advertisement

Aaj ki party teri taraf se @iamsrk. Congrats on your new OTT app, SRK+ https://www.bolnews.com/urdu/latest/2022/03/198860/amp/

— Salman Khan (@BeingSalmanKhan) March 15, 2022

یاد رہے کہ معروف بھارتی فلم ساز انوراگ کشپ کا کہنا ہے کہ ایس آر کے پلس میں ان کا بھی اشتراک ہوگا جبکہ ہدایت کار کرن جوہر نے کہا ہے کہ شاہ رخ خان کا او ٹی ٹی ایپ لانچ کرنا سال کی سب سے بڑی خبر ہے۔
کرن جوہر نے مزید کہا کہ کنگ خان کا یہ اقدام او ٹی ٹی کا چہرہ بدل کر رکھ دے گا، ہمیں ایس کے آر پلس کا انتظار ہے۔