بھارت کی ریاست تامل ناڈو کے ایک ضلع میں چلتی اسکول بس میں طلباء کی شراب نوشی کی وڈیو سامنے آئے ہے۔

بھارتی میڈیا کے مطابق یہ وڈیو تامل ناڈو کے چینگل پٹٹو ضلع کی ہے ، جس میں چلتی بس میں طلبہ و طالبات شراب نوشی کرتے نظر آ رہے ہیں۔ بھارتی چینل کی ایک رپورٹ کے مطابق یہ وڈیو کلپ طلبہ میں سے ہی کسی ایک نے ریکارڈ کیا اور سوشل میڈیا پر اپ لوڈ کردیا ۔

بتایا جارہا ہے کہ یہ سبھی طلبہ چینگل پٹٹو کے ایک سرکاری اسکول کے ہیں.

 جب یہ وڈیو سوشل میڈیا پر وائرل ہوا تو دعوی کیا گیا کہ یہ وڈیو کافی پرانا ہے ، مگر بعد میں پتہ چلا کہ یہ واقعہ منگل کو پیش آیا تھا ۔ مقامی میڈیا میں بھی اس خبر کو دکھایا جارہا ہے ۔

یہ سبھی طلبہ اپنی اسکول یونیفارم میں تروکاجھوکندرم سے ٹھاچور جانے کے لئے بس میں سوار تھے.

سوشل میڈیا پر وڈیو وائرل ہوتے ہی ریاست میں ہنگامہ مچ گیا.

ضلع ایجوکیشن افسر سے جب واقعہ کی بابت پوچھا گیا تو انہوں نے کہا کہ افسران نے واقعہ کا نوٹس لے لیا ہے اور مقامی پولیس معاملہ کی جانچ میں مصروف ہوگئی ہے. جانچ پوری ہونے کے بعد مناسب کارروائی کی جائے گی.