موسم گرما کی آمد آمد ہے اور ہوا کے لئے پنکھوں کا استعمال  ہر گھر میں کیا جاتا ہے دیکھا گیا ہے اکثر پنکھے بہت آوازپیدا کرتے ہیں اور اس شور کی بدولت گھر میں بات چیت کرنا محال ہوجاتا ہے ساتھ ہی یہ نیند میں بھی خلل پیدا کرتا ہے۔

پنکھوں سے آوازیں آنے کی کئی وجہ ہوسکتی جنہیں دور کر کے اس مسئلے کو حل کیا جاسکتا ہے۔ یہاں پر چند ایسے ہی عوامل کیا ذکر کیا جارہا ہے جو پنکھوں میں آواز کا سبب بنتے ہیں۔

ڈیمر

اگر پنکھے سے گنگناتی یعنی ایک لے کی صورت میں آواز آرہی تو یہ سب سے عام مسئلہ ہے یہ آواز دن میں تو اتنی پریشانی کا باعث نہیں بنتی لیکن رات میں اس کی وجہ سے نیند ضرور متاثرہوتی ہے۔

اس کی وجہ ڈیمر ہوسکتی ہے، کیونکہ اکثر گھراںوں میں پنکھے کی رفتار کو ڈیمر سے کم یا زیادہ کیا جاتا ہے جو کہ درست عمل نہیں ہے کیونکہ ڈیمر کبھی بھی اس مقصد کے لئے نہیں بنایا گیا تھا اسی وجہ سے یہ کسی قدر پنکھے کی آواز کا سبب بنتا ہے۔

ریمورٹ کنٹرول پنکھے

آج کل ریمورٹ کنٹرول والے پنکھے مارکیٹ میں عام  دستیاب ہیں اور گھروں میں بھی استعمال کئے جارہے ہیں۔ ریمورٹ کنٹرول  والے سے آواز کے آنے ایک بڑی وجہ اس کے خراب ریسیورزہوسکتے ہیں پنکھے میں لگے سینسر خراب ہو تو اور اس کو ریمورٹ کنٹرول سے مضبوط  سگنلز نہ ملے تب بھی پنکھے سے گڑاہٹ کی آواز آنے لگتی ہے، اس مسئلے کے حل کے لئے پنکھوں سے ریسیورہٹا دیں اور انہیں براہ راست چلائیں۔

پروں کو اچھی طرح لگائیں

اگر کسی پنکھے کے پر ڈھیلے ہو تو وہ بھی آواز کا سبب بنتے ہیں ساتھ ہی ان کے نکلنے کا خطرہ بھی رہتا ہے اس لئے پنکھوں کے پیچ اچھی طرح ٹائٹ کریں تاکہ آواز کے ساتھ حادثے سے بھی بچا جا سکے۔