بالی وُڈ کے مشہور اداکار شا رُخ خان اور اداکارہ کوجول کے بچوں نے والدین کا اسٹائل اپنا کر مداحوں کے دل جیت لیے۔

بھارتی میڈیا رپورٹ کے مطابق سوشل میڈیا پر شاہ رُخ خان کے بیٹے آریان خان اور کاجول کی بیٹی نیسا دیوگن کی تصویر شوشل میڈیا پر وائرل ہو رہی ہے جس کو ان کے مداحوں کی جانب سے بےحد پسند کیا جا رہا ہے۔

آریان خان کے فین پیج پر ایک تصویر پوسٹ کی گئی ہے جس میں آریان اور دوسری طرف شاہ رُخ موجود ہیں اور آریان ہوبہو اپنے والد کا اسٹائل اپنائے ہوئے ہیں۔

آریان نے اس تصویر میں اپنے والد شاہ رخ خان کی طرح سیاہ سوٹ پہن رکھا ہے اور بالکل والد کی طرح شرٹ کے بٹن کھلے چھوڑ دیے ہیں۔

ایسی ہی ایک تصویر نیسا دیوگن کی بھی سوشل میڈیا پر وائرل ہو رہی ہے جس میں دیکھا جا سکتا ہے کہ کاجول کی بیٹی نیسا دیوگن نے بھی اپنی والدہ کا اسٹائل اپناتے ہوئے ویسا ہی کالا لباس زب تن کیا ہوا ہے جو کہ کچھ دن پہلے کاجول نے ایک تقریب میں زیب تن کیا تھا۔

یاد رہے کہ آریان خان بہت جلد بطور فلم رائٹر بالی وُڈ انڈسٹری میں اپنا ڈیبیو کرنے والے ہیں جبکہ کاجول کا اپنی بیٹی کے بارے میں کہنا ہے کہ وہ ابھی اپنی پڑھائی پر توجہ دے رہی ہیں اور انہیں بالی وُڈ میں دلچسپی نہیں۔