سوشل میڈیا راتوں رات کسی کی زندگی کیسے بدل سکتا ہے،اس کی حالیہ مثال بھارت سے تعلق رکھنے والے بھوبن بدایاکار ہیں۔

حال ہی میں ’کچا بادام‘ گانے سے سوشل میڈیا پر مشہور ہونے والے بھارتی گلوکار بھوبن بدایاکار کار حادثے میں شدید زخمی ہوگئے۔

بھارتی میڈیا رپورٹس کے مطابق بھارتی ریاست مغربی بنگال میں مونگ پھلیاں بیچنے والے سے راتوں رات مشہور ہونے والے گلوکار بھوبن بڈیاکر کا پیر کے روز ایکسیڈنٹ ہوگیا۔

حادثہ اس وقت پیش آیا جب بھوبن اپنی سیکنڈ ہینڈ کار چلانا سیکھ رہے تھے جسے انہوں نے حال ہی میں خریدا تھا۔

یہ بھی پڑھیں:  سشمیتا سین کو ایک سین فلمانے میں 20 دن کیوں لگے، حیرت انگیز انکشاف

حادثے میں بھوبن کو سینے پر چوٹ لگی جس کے بعد انہیں فوراً اسپتال منتقل کیا گیا۔

بھوبن اس وقت مغربی بنگال کے سوری سپر اسپیشلٹی اسپتال میں زیرعلاج ہیں۔

کچا بادام کیا ہے اور بھوبن کیسے مشہور ہوئے؟

بھوبن کا تعلق انڈیا میں جس علاقے سے ہے وہاں کچی مونگ پھلی کو ’کچا بادام‘ کہا جاتا ہے۔

بھوبن اپنے علاقے میں سائیکل پر گھوم پھر کر گلی محلوں میں مونگ پھلی فروخت کیا کرتے تھے۔

ان کا مونگ پھلی بیچنے کا انداز سب سے الگ تھا کیونکہ وہ گانے کی شکل میں اپنی مونگ پھلی کی تشہیر کیا کرتے تھے۔

The original video of the newly discovered talent ! 😇

A humble peanut seller named Bhuban Badyakar, a resident of Birbhum district in West Bengal #BhubanBadyakar #KachaBadam pic.twitter.com/7h7Hp1SirT

— Neha Sharma, IRAS (@NehaSharma0202) February 13, 2022

ان کا ’کچا بادام‘ گانا اتنا مقبول ہوا کہ اس گانے پر بنی ہر دوسری ویڈیو سوشل میڈیا میں موجود ہے۔

اس گانے پر نا صرف بھارت والے بلکہ غیر ملکی بھی ڈانس کر رہے ہیں۔

صرف یہی نہیں بلکہ بالی ووڈ کی کئی مشہور شخصیات نے بھی ’کچا بادام‘ گانے پر ڈانس کرکے اپنی ویڈیو شئیر کیں۔