بالی ووڈ کے خطروں کے کھلاڑی اکشے کمار نے اپنے مداحوں کو بتا ہی دیا کہ وہ کب اور کس وجہ سے فلم انڈسٹری کو خیرباد کہہ دینگے۔

بھارتی میڈیا رپورٹس کے مطابق اپنی فلم کی تشہیر کے دوران 54 سالہ سپراسٹار اکشے کمار نے بتایاکہ اکثر لوگ مجھ سے پوچھتے ہیں کہ آپ اس عمر میں بھی ایک سال میں اتنی ساری فلمیں کیسے کرلیتے ہیں؟

خطروں کے کھلاڑی نے جواب دیا کہ جس دن مجھے کام میں دلچسپی نہیں رہی اس دن میں خود اپنے کام اور انڈسٹری کو خیرباد کہہ دوں گا۔

بالی ووڈ اسٹار نے کہاکہ مجھے کام کرنے کا شوق ہے یہی وجہ ہےکہ میں اس عمر میں بھی کام کررہا ہوں یہ میرا انتخاب ہے۔

اکشے کمار نے کہا کہ میں پیسوں کے لیے کام نہیں کرتا بلکہ اپنے جذبے کی خاطر اب بھی دوسرے اداکاروں سے زیادہ کام کرتا ہوں۔

انہوں نے بتایاکہ صبح سویرے بیدار ہوکر کام پر جانا اچھا لگتا ہے، اگر آپ روزانہ کام کررہے ہوتے ہیں تو قدرتی طور پر آپ کے پاس فلموں کی آفر آتی رہتی ہے۔

یہ بھی پڑھیں:  بلاول کے بیان پر احسن خان کی بھی ’’ٹانگیں‘‘ کانپنے لگیں، ویڈیو دیکھیں

یہ بھی پڑھیں:  میشا شفیع کا خواتین کیلئے گایا گیا خصوصی گانا ’راجکماری‘ ریلیز