بھارتی معروف اداکار کارتک آریان کو ان کی مداحوں نے پھولوں کا تحفہ پیش کر دیا۔

بھارتی میڈیا رپورٹ کے مطابق بالی ووڈ کے معروف اداکار کارتک آریان کا گوا سے ممبئی واپسی پر ان کی خواتین مداحوں کی جانب سے گلاب کے خوبصورت پھولوں سے استقبال کیا گیا۔

سوشل میڈیا پر کارتک کی ایک ویڈیو وائرل ہو رہی ہے جس میں دیکھا جا سکتا ہے کہ ممبئی ایئرپورٹ پر دو خواتین مداح ان کا پیچھا کررہی ہیں، دونوں کارتک کو پکار کر ان کو متوجہ کرتی ہیں اور پھر انہیں پھول پیش کرتی ہیں۔

جس پر کارتک آریان خوش ہوکر اپنی دونوں مداحوں کا شکریہ ادا کرتے ہیں اور دونوں سے پھول وصول کرلیتے ہیں۔

یڈیو کے پس منظر میں ایک فوٹو گرافر کو ہنستے ہوئے اور یہ کہتے ہوئے بھی سنا جاسکتا ہے کہ’اپنے گھٹنوں کے بل بیٹھ جاؤ اور کارتک کو مناسب انداز میں پرپوز کرو‘۔

جس پر کارتک مزاحکہ خیز انداز میں اپنی مداح سے پورا گلدستہ طلب کرتے ہیں اور جیسے ہی لڑکی انہیں گلدستہ پیش کرتی ہے تو کارتک مسکرا کر منع کر دیتے ہیں اور آگے چل پڑتے ہیں۔

خیال رہے کہ اداکار کارتک آریان اکثر ہی اپنے اچھے اخلاق کی وجہ سے بھارتی میڈیا کی توجہ مرکز بنے رہتے ہیں اور آئے دن ان کی مداح ان کا پیچھا کرتے یا ان کے گھر کے باہر ان کا انتظار کرتے نظر آتے ہیں تاکہ اپنے ہیرو کی ایک جھلک دیکھ سکیں۔