عالمی شہرت یافتہ ٹینس اسٹار رافیل ندال انجری کے باعث ٹینس کورٹ سے 4 سے 6 ہفتوں کے لئے باہر ہو گئے ہیں۔

رافیل ندال انڈین ویلز کے سیمی فائنل میں پسلی کے فریکچر کا شکار ہو گئے تھے، 21 گرینڈ سلم ٹائٹلز کے مالک رافیل ندال انڈین ویلز کا فائنل بھی نہیں کھیل پائیں گے۔

رافیل ندال نے بھی خدشہ ظاہر کیا ہے کہ انجری کے باعث ان کی کلے کورٹ ایونٹس مونٹی کارلو اور بارسلونا اوپن میں شرکت مشکوک ہے۔

رافیل ندال نے امید ظاہر کی ہے کہ وہ گرینڈ سلم ایونٹ فرنچ اوپن سے پہلے صحت یاب ہو جائیں گے، فرنچ اوپن 22 مئی سے پیرس میں شروع ہو گا۔

رافیل ندال نے رولینڈ گیروز ٹائٹل کا خطاب ریکارڈ 13 مرتبہ جیتا ہے۔

اسپین سے تعلق رکھنے والے 35 سالہ رافیل ندال نے کہا ہے کہ وہ فوری طور پر اپنے وطن جائیں گے جہاں وہ اپنی میڈیکل ٹیم سے رابطہ کریں گے۔

رافیل کے کہنا ہے کہ پسلی میں اسٹریس فریکچر کے باعث ان کے لئے ٹینس کورٹ میں کھڑا ہونا محال ہو گیا تھا، وہ اس انجری کی امید نہیں کر رہے تھے۔

رافیل ندال عالمی ٹینس میں اس وقت بہترین فارم میں ہیں ، انہوں نے نوواک جوکووچ کی غیر موجودگی میں آسٹریلین اوپن میں کامیابی حاصل کی تھی۔

کیلیفورنیا میں فرٹز کے خلاف اس کی شکست اس کی سال کی پہلی شکست تھی، جس سے مسلسل 20 میچوں کی جیت کا تسلسل ختم ہوا تھا۔