روسی صدر ولادی میر پیوٹن کے کے دیرینہ اتحادی رمضان قادروف نے یوکرینی عوام خبردار کیا ہے کہ اگر انہوں نے شکست تسلیم نہیں کی تو ان کا نام و نشان تک مٹا دیا جائے گا۔

چیچن ریپبلک کے مضبوط رہنما رمضان قادروف کی جانب سے جاری کی گئی دھمکی آمیز ویڈیو میں یوکرینی افواج کو ہتھیار ڈالنے کی تلقین کی گئی ہے۔

صدر پیوٹن کے اتحادی قادروف نے بتایا کہ وہ پیر (14 مارچ) کو روسی افواج کے ساتھ یوکرین میں تھے۔

خیال رہے کہ جنگجو سرداررمضان قادروف پر کئی بین الاقوامی تنظیموں کی جانب سے جمہوریہ قفقاز میں انسانی حقوق کی سنگین خلاف ورزیوں کا الزام لگایا گیا تھا۔

ٹیلی گرام ایپ پر جاری کی گئی کلپ میں انہیں کمرے میں فوجیوں کے ساتھ میز کے گرد منصوبوں کا تجزیہ کرتے ہوئے دیکھا جا سکتا ہے۔

اس بنارے میں ان کا کہنا تھا کہ یہ ویڈیو ہوٹو میل میں بنائی گئی ہے جو یوکرینی دارالحکومت کیف کے قریب واقع ہوائی اڈہ ہے، اس ہوائی اڈے پر روسی افواج نے اپنے حملے کے پہلے چند دنوں میں ہی قبضہ کر لیا تھا۔

قادروف نے بتایا کہ “جنگ شروع ہونے کے دوسرے دن ہم آپ کیف نازیوں سے تقریباً 20 کلومیٹر دور تھے اور اب ہم اور بھی قریب ہیں۔”

اس کے بعد انہوں نے یوکرینی افواج سے ہتھیار ڈالنے کا مطالبہ کیا اور نا ڈالنے کی صورت میں کہا کہ ” آپ ختم ہو جائیں گے”۔

انہوں نے کہا کہ “ہم آپ کو دکھائیں گے کہ روسی مشق غیر ملکی تھیوری اور فوجی مشیروں کی سفارشات سے بہتر جنگ سکھاتی ہے۔”

رپورٹس کے مطابق، یہ تجویز کیا گیا ہے کہ چیچن فوجی روس کے ویگنر گروپ کے کرائے کے فوجیوں کے ساتھ کیف پر قبضہ کرنے میں روس کی مدد کرنے میں اہم کردار ادا کر سکتے ہیں۔

قادروف نے اپنے فوجیوں کی طاقت پر فخر کرتے ہوئے کہا کہ یوکرینی افواج جب اس کے جنگجوؤں کے سامنے ہوتی ہیں تو “بھاگ جاتی ہیں”۔

رشیا ٹوڈے کے مطابق، قادروف نے مزید کہا کہ “یوکرین کی مسلح افواج اور قومی بٹالین کے ارکان، جنہوں نے ہمیشہ اپنی ہمت پر فخر کیا ہے، جب وہ چیچن جنگجوؤں کو دیکھتے ہیں تو بھاری ہتھیار اور فوجی سازوسامان چھوڑ کر بھاگ جاتے ہیں۔”

رمضان نے کہا کہ “مکمل فوجی ہم آہنگی، فوجیوں کی درست تعیناتی اور فیصلہ کن حملہ،  ہماری بس یہی ضرورت ہے۔ جو ہم نے شروع کیا ہے اسے جلدی ختم ہونا چاہیے۔”

چیچن وار لارڈ کا کہنا ہے کہ “چونکہ یوکرینیوں نے دو بار مذاکرات کرنے سے انکار کیا ہے، ہمیں حکمت عملی تبدیل کرنی ہوگی، اس سے وہ قائل ہو جائیں گے۔”