انگلش پریمئیر لیگ کے ایک اہم میچ میں لیگ کی دو مشہور ٹیموں کے مابین میچ میں مانچسٹر سٹی نے مانچسٹر یونائیٹڈ کو شکست دے دی۔

اتحاد اسٹیڈیم میں کھیلے جانے والے اس میچ میں مانچسٹر سٹی نے کامیابی حاصل کر کے فائنل فور میں جگہ بنانے کی راہوں کو مزید صاف کر لیا ہے۔

اتحاد اسٹیٹدیم میں 56 ہزار تماشائی شاید اس وجہ سے میدان میں آئے تھے کہ وہ اپنے پسندیدہ کھلاڑی کرسٹیانو رونالڈ کو کھیلتے دیکھنا چاہتے ہیں۔

مانچسٹر یونائیٹڈ کی بدقسمتی تھی کہ وہ میچ سے قبل اپنے بہترین کھلاڑیوں سے محروم ہو گئی تھی، ان میں کرسٹیانو رونالڈو، ایڈنسن کیوانی اور رافیل ویرن اور لوک شا شامل ہیں۔

مانچسٹر یونائیٹڈ کے ترجمان کے مطابق کرسٹیانو رونالڈو پریکٹس کے دوران زخمی ہونے کے باعث میچ سے باہر ہوئے، جبکہ باقی کھلاڑیوں پر قرنطینہ کر تلوار لٹک رہی تھی۔

کیون ڈی بروئن اس میچ کے خاص کھلاڑی تھے۔ انہوں نے کلب کو میچ میں دو مرتبہ برتری دلائی۔

انہوں نے مانچسٹر یونائیٹڈ کے لئے واحد گول کرنے والے جیڈون سانچو کا جواب میچ کے پہلے ہاف کے ختم ہونے سے پہلے ہی دے دیا تھی۔

مانچسٹر سٹی نے وقفے کے بعد اپنی رفتار بدلتے ہوئے 68 ویں منٹ میں ریاض مہر کے گول سے اپنی برتری کو مستحکم کیا۔

میچ کے آخری لمحات جب اسکور 1-3 تھا تو اس وقت مہریز نے سٹی کی برتری پر آخری مہر لگا دی، یہ گول پہلے آف سائیڈ دیا گیا مگر وی اے آر کی بدولت سٹی کے کھاتے میں گیا۔

مانچسٹر یونائیٹڈ کی اس میچ میں 1-4 سے شکست نے کلب کے لئے فائنل فور میں جانے کی امیدوں پر پانی پھیر دیا ہے۔ یونائیٹڈ کو اپنے بقایا میچز میں کامیابی کے ساتھ اختتام کرنا ہو گا۔ اس وقت پوائنٹس ٹیبل پر یونائیٹڈ 28 میچز میں 47 پوائنٹس کے ساتھ 5 ویں پوزیشن پر ہے۔