بلاول بھٹو نے کہا ہے کہ حضرت لعل شہباز قلندر  کا پیغام معاشرے میں بھائی چارہ اور محبت ہے۔

چیئرمین پیپلز پارٹی بلاول بھٹو زرداری نے حضرت لعل شہباز قلندر  کے 770 ویں عرس مبارک پر جاری کردہ پیغام میں کہا ہے کہ حضرت لعل شہباز قلندر  کی تعلیمات معاشرے میں تعاون کو فروغ اور مختلف طبقہ ہائے فکر کو متحد ہونے کی فضا مہیا کرتی ہیں۔

انہوں نے کہا کہ آج امتیازی سلوک، انتہا پسندی اور دہشتگردی کے بڑھتے ہوئے رجحانات انسانیت کے لیئے چیلنج ہیں، ایسے حالات میں دنیا کو حضرت لال شہباز قلندر ؒ جیسے صوفی بزرگوں کی تعلیمات سے رجوع کرنے کی ضرورت ہے۔

بلاول بھٹو نے کہا کہ پیپلز پارٹی حقیقی جمہوریت اور مساوات کے لیئے سرگرم عمل ہے، جو لال شہباز قلندر ؒ  جیسے بزرگوں کی تعلیمات کی اساس ہیں۔