امریکی ٹیکنالوجی جائنٹ ایپل نے دو دن قبل ہی آئی فون کے نئی اپ ڈیٹ جاری کی تھی۔

وہ تمام آئی فون جو اپ ڈیٹ کے اہل ہیں وہ اب تک اس نئی اپ ڈٰیٹ کو انسٹال کرچکے ہوں گے۔

ایپل کی جانب سے اس اپ ڈیٹ میں ایموجیز، بگ فکسز کے ساتھ ساتھ ایک منفرد فیچر بھی شامل کیا گیا ہے جس کی مدد سے استعمال کنندگان فیس ماسک کے ساتھ بھی فیس آئی ڈی استعمال کرتے ہوئے فون کو ان لاک کر سکتے ہیں۔

تاہم آئی اوایس 15.4 اپ ڈیٹ کو انسٹال کرنے والے صارفین کی جانب سے اس حوالے سے بہت سی شکایتیں موصول ہورہی ہیں۔

اسمارٹ فون کے حوالے سے خبریں دینے والی جی ایس ایم ارینا، فون ارینا، ٹوئٹراورریڈ ٹ پرصارفین نئی اپ ڈیٹ کے حوالے سے متعدد شکایتیں پوسٹ کررہے ہیں۔

زیادہ تراستعمال کنندگان کا کہنا ہے کہ نئی اپ ڈیٹ استعمال کرنے کے بعد ان کے آئی فون کی بیٹری تیزی سے ختم ہورہی ہے۔

ٹوئٹرپرپوسٹ ہونے والی ٹوئٹس میں بہت سے صارفین کا کہنا ہے کہ اس نئی اپ ڈیٹ سے متاثر ہونے والے ماڈل میں آئی فون 13 پرومیکس سرفہرست ہے۔

جن استعمال کنندگان کی بیٹری اپ ڈیٹ سے پہلے 12 گھنٹے چلتی تھی وہی موبائل اسی استعمال پربہ مشکل 7 سے 8 گھنٹے کا بیک اپ دے رہا ہے۔