زندگی کی سب سے بڑی نعمت صحت ہے اور صحت کا دارومدار جسم کے تمام نظام کا توازن میں رہ کر کام کرنے میں ہے۔ اسی طرح جسم میں دوران خون کی روانی بھی بہت اہمیت رکھتی ہے جسے عام زبان بلڈ پریشر کہا جاتا ہے اگر یہ بڑھ جائے صحت سے جڑے کئی مسائل جنم لینے لگتے ہیں ان میں سر فہرست دل کے امراض ہیں۔

 بلڈ پریشر کو خاموش قاتل کہا جاتا ہے کیونکہ اس کی کوئی واضح علامات سامنے نہیں ہوتی جس کی وجہ سے یہ جسم کے دیگر اعضاء کو آہستہ آہستہ نقصان پہنچاتا رہتا ہے۔ یہی وجہ ہے کہ ماہرین بلڈ پریشر کو چیک کرنے کا مشورہ دیتے ہیں، اور اگر یہ بڑھنے لگے تو کسی ماہر ڈاکٹر کی خدمات  حاصل کرکے سختی سے دی گئی ہدایت پرعمل کرنے کا مشورہ دیتے ہیں۔

دیکھا گیا ہے لوگوں کی بڑی تعداد اس مرض کے بارے میں کئی طرح کی غلط فہمی کا شکار ہےجیسے یہ ایک باربڑھ جائے تو دوا کے استعمال کی ضرورت نہیں ہے یا اس کے بڑھنے سے کوئی نقصان نہیں ہوتا، اسی لئے آج یہاں پر بلڈ پریشر کے ماہر ڈاکٹرقاسم رضا کی گفتگو پیش کی جارہی ہے تاکہ آپ اس مرض کے بارے میں مکمل آگاہی حاصل کر سکیں۔